I need some vacation

Madaming tumatakbo sa isip ko.. lalo na kung may sitwasyon na gusto mong kausapin yung taong espesyal sa iyo pero walang paraan para makausap mo siya.. lalo na kung minsan gusto mong malaman ang sagot sa mga tanong na hindi mo alam papano aalisin sa utak mo kasi yung taong gusto mong makausap yung makakasagot lang. Lungkot na lungkot ako ngayon, madali na akong maapektuhan ng mga pangyayari sa buhay ko. dati naman magaan lang kung aking harapin o tanggapin ang mga nangyayari sa araw araw. ngayon, parang ang bigat bigat dalhin kung may bagay na dumating sa akin sabihin man nating maliit o malaki. Pagod na ako sa kakaisip at kakaalala ng mga araw na maaaring dumating sa buhay ko. gusto ko sana na magbakasyon sa malayong lugar. gusto ko sa lugar na walang nakakakilala sa akin, tumawa man ako o umiyak walang makikialam. Para kasing wala na akong makikilalang makakaunawa sa mga kahinaan ko, sa mga pagkukulang ko at sa mga problema ko. Nakakasakit ng damdamin na ang taong inaasahan mong makakaunawa at magmamahal sa iyo, siya pa ang bibitaw at iiwas sa iyo. Mabuti sana kung hindi kami nagkasundo o nakapangakong magtutulungan at mag-aalalayan sa oras ng pagsubok. Nakakapanghinayang na maaaring isang araw, hindi na siya ang taong nakilala at nakasama mo kahapon. Natatakot ako na, isang araw, nagsasawa na siya sa aking mga kahinaan at pagkukulang. Marahil, pabigat na lang akong maituturing sa kanya. Lalo na kung nasanay na lang akong sa kanya dumaing o magsabi ng mga problema. Natatakot ako na hindi na pala niya ibig na makasama ako sa hinaharap. Nakakalungkot kasi hanggang ngayon, hindi ko alam kung kailangan pa rin niya ako. -----

maiba lang...

Gusto ko matulog at hindi na magising!