Karma

Ang karma ay isang karanasan,
karanasang magbubunga ng alaala,
alaalang maglilikha ng haraya.
Harayang magbubunga ng pagnananasa.
At nasang maglilikha muli ng karma.

Halimbawa, kung bibili ka ng kape, yan ang karma.
Sa iyong alaala, malilikha ang panlasang
uudyok sa iyo upang sumubok ng iba.
Sa muli mong pagdaan sa kapihan,
Ibubulong sa sarili, ano ang titikman,
cappuccino o macchiato naman kaya?
At yan ang karma sa simula't simula.

Stephen Tequila, 20160419
(hango kay Deepak Chopra)

ANG TINIG SA HATINGGABI

Sa aba ko, lamig sa pagal na isip!
Anong halaga ng matimtimang titig?
Kung mga daliring gitgit nagniniig
at nagsisi-aklas sa paghihinagpis.

Sukat na, maapuhap ang kodigong
ginawa sa kape’t hamog na nagyelo,
Upang magsibangon, ang ginuhit na multo
Sa bintanang hitik ng mga payaso.

Stephen Tequila
(20151112 Sa aking tahanan)

---
getting back on track post..